Мінуткі займальнай бяспекі
У рамках пераемнасці паміж дашкольнай установай і гімназіяй 18 снежня прайшла віктарына “Мінуткі займальнай бяспекі”. Вучні чацвёртых класаў пад кіраўніцтвам Кудрэвіч Ірыны Сяргееўны, класнага кіраўніка IV “Б” класа, падрыхтавалі займальныя пытанні, крыжаванкі, малюнкі. Падчас правядзення віктарыны дзеці пад кіраўніцтвам Белавусавай Алены Уладзіміраўны, якая праводзіць заняткі для дзяцей дашкольнага ўзросту да навучання ў школе, актуалізавалі свае веды па правілах дарожнага руху, правілах пажарнай бяспекі, правілах паводзін бліз вадаёмаў, нагадалі правілы паводзін, калі застаешся адзін дома.