Сёння гімназію наведаў дэпутат Палаты прадстаўнікоў Нацыянальнага сходу Рэспублікі Беларусь Руслан Анатольевіч Касыгін.
Візіт Руслана Анатольевіча пачаўся са знаёмства з гімназіяй. Дырэктар гімназіі, Анатолій Станіслававіч Забароўскі, правёў экскурсію па музею Афганскай вайны, музею народнай творчасці.
Ключавым момантам візіту стала сустрэча з членамі вучнеўскага сходу. Гэта была не проста афіцыйная размова, а сапраўдная дыялогавая пляцоўка, дзе маладыя людзі змаглі задаць пытанні, якія іх хвалююць, адчуць сябе пачутымі і атрымаць адказы ад прадстаўніка вышэйшага заканатворчага органа краіны.
Руслан Анатольевіч Касыгін падкрэсліў, што менавіта моладзь з’яўляецца рухавіком прагрэсу, і яго прыемна бачыць столькі зацікаўленых і актыўных юнакоў і дзяўчат. Ён заахвоціў вучняў быць актыўнымі, не баяцца выказваць свае думкі, цікавіцца жыццём краіны і ўносіць свой уклад у яе развіццё.