12 кастрычніка вучні 7, 8 і 11 класаў разам з кіраўніком ВПВ Дакука С.І. адправіліся ў аднадзённы велапаход. Некалькі дзён шла падрыхтоўка: распрацоўваўся маршрут, рыхтавалася неабходнае, улічвалася не самае лепшае надвор'е. На прапанову перанесці паход на іншы дзень ніхто не быў згодны.
Раніцай усе ўдзельнікі сабраліся на гімназічным двары. Былі абгавораны меры бяспекі руху на роварах, сфатаграфіраваліся і рушылі ў дарогу. Негледзячы на неспрыяльнае надвор'е, нашы спарсмены з добрым настроем намотвалі дзесяткі кіламетраў. За спінамі засталіся вёскі Бытча, Светлы гай, Малая Трасцяніца, Забалоцце, Крычына, Загор'е, Хаўхоліца. За ёй было вырашана зрабіць прыпынак.
На лясным ускрайку мы развялі касцёр, спынілася нарэшче морась і можна было абсохнуць і прыгатаваць ежу. Ну а як жа ў паходзе без тушонкі, сардэлек і вермішэля! Я ужо не пішу і пра іншыя прысмакі, што бралі з сабой.
Паўтары гадзіны адпачынку і з новымі сіламі у неблізкі шлях. Ужо не такімі цяжкімі казаліся пад'ёмы. Прыпынкі ў нас былі толькі для фатаграфіравання ля населенных пунктаў, абышлося без паломак і праколаў, што раней бывала. Хутка праляцелі вёскі Кішчына слабада, Вільянава,Цімкі, збоку засталася в.Падбярэззе. І вось з мы на ўездзе ў Барысаў з боку в.Пчэльнік. Апошні прыпынак, сіл і энтузіязму яшчэ шмат, хаця наматалі 60 кіламетраў. Што і казаць - МАЛАЙЦЫ!!!