У дні восеньскіх канікулаў (з 30 кастрычніка па 3 лістапада 2023 года) для вучняў 11-х профільных класаў / груп педагагічнай накіраванасці стартаваў праект «Студэнт-на-1-дзень-у-БДПУ». Дар'я Цітавец і Іванова Паліна - вучаніцы групы педагагічнай накіраванасці 01.11.2023 прынялі ўдзел у праекце. З прывітальным словам да ўдзельнікаў праекта звярнулася дэкан факультэта Мартынава Вера Васільеўна і расказала аб важнасці прафесіі педагога, аб спецыяльнасцях, па якіх вядзецца падрыхтоўка на факультэце, і правілах прыёму выпускнікоў класаў педагагічнай накіраванасці. Удзельнікі праекту наведалі музей БДПУ і музей рэдкай кнігі. Будучыя абітурыенты мелі магчымасць прысутнічаць на лекцыі па дысцыпліне "Агульная псіхалогія" , прыняць удзел у сацыяльна-псіхалагічным трэнінгу "Давайце пазнаёмімся" і наведаць майстар клас і прэзентацыю валанцёрскага клуба "Філантроп" . На сустрэчы выступілі актывісты студэнцкага савета . Нашы дзяўчынкі атрымалі сертыфікаты ўдзельнікаў праекта.