Сёння, 13 верасня, па ўсёй краіне прайшла Рэспубліканская дыктоўка, прысвечаная Дню народнага адзінства. Да акцыі далучыліся ўсе ВНУ краіны і нават школы. Не засталася ў баку і беларускамоўная гімназія № 2 г.Барысава. Да вучняў старэйшых класаў далучыўся і дырэктар гімназіі Анатолій Станіслававіч Забароўскі. Ён таксама сеў за парту, каб разам з маладымі людзьмі напісаць дыктоўку. “Дзень народнага адзінства” – так называўся тэкст Рэспубліканскай дыктоўкі. Напісаўшы яго, кожны мог праверыць сябе самастойна.