У Барысаўскім раёне падвялі вынікі конкурсу прафесійнага майстэрства «Прафесійны вектар маладога педагога». Фестываль стаў эфектыўнай пляцоўкай для абмену вопытам, дэманстрацыі сучасных адукацыйных тэхналогій і падтрымкі таленавітай моладзі.
У фестывалі прынялі ўдзел 41 малады спецыяліст з устаноў адукацыі раёна. Па выніках ацэнкі прадстаўленых матэрыялаў 30 удзельнікаў атрымалі дыпломы розных ступеняў. Прыемна адзначыць, што сярод пераможцаў і прызёраў - педагогі нашай гімназіі, якія ўпэўнена заявілі пра сябе і зрабілі яркі крок у сваёй прафесійнай кар'еры.
Нашы пераможцы:
- Дыплом I ступені — Елізар’ева Ксенія Алегаўна (настаўнік хіміі і біялогіі) і Елізар’еў Мікіта Юр’евіч (настаўнік матэматыкі і інфарматыкі).
- Дыплом II ступені — Цяглік Карына Уладзіміраўна (настаўнік геаграфіі).
Удзел у падобных конкурсах - гэта важны крок у прафесійным станаўленні. Гэты поспех - толькі пачатак вялікага шляху, які натхніць нашых калег на стварэнне яшчэ больш крэатыўных праектаў і дапаможа ім зрабіць урокі яшчэ больш цікавымі і карыснымі для вучняў.
Віншуем нашых калег з бліскучым вынікам і жадаем далейшага натхнення і новых ідэй!