09.11.2026 на базе ДУА «Беларускамоўная гімназія №2 г.Барысава” адбылося прафарыентацыйнае мерапрыемства, якое правялі прадстаўнікі Барысаўскага медыцынскага каледжа. Сустрэча дапамагла вучням бліжэй пазнаёміцца з прафесіямі ў сферы аховы здароўя і даведацца пра магчымасці навучання.
Падчас мерапрыемства вучні даведаліся пра асаблівасці работы медыцынскіх работнікаў, важнасць прафесійных ведаў і ўменняў, а таксама пра якасці, неабходныя для працы з людзьмі: адказнасць, уважлівасць, спагадлівасць і гатоўнасць дапамагаць.
Прадстаўнікі каледжа расказалі пра навучальны працэс і адказалі на пытанні гімназістаў. Сустрэча прайшла ў добразычлівай атмасферы і стала нагодай задумацца пра выбар будучай прафесіі.
Прафарыентацыйныя мерапрыемствы дапамагаюць вучням лепш зразумець свае інтарэсы і пазнаёміцца з рознымі шляхамі прафесійнага развіцця.