Віншуем пераможцу конкурсу навукова-даследчых работ “Светлы след будзе вечна жывы” (да 135-годдзя Максіма Багдановіча), які рэдакцыя часопіса “Роднае слова” праводзіла супольна з філіялам установы “Дзяржаўны музей гісторыі беларускай літаратуры” Літаратурным музеем Максіма Багдановіча і Інстытутам літаратуразнаўства імя Янкі Купалы Цэнтра даследаванняў беларускай культуры, мовы і літаратуры НАН Беларусі - Соф'ю Грыцкевіч, вучаніцу 10 класа беларускамоўнай гімназіі № 2 г. Барысава, якая стала ўладальніцай дыплома І ступені. Падрыхтаваць працу пераможцы дапамагла настаўніца беларускай мовы і літаратуры Наталля Іванаўна Ганец.
Узнагароджанне ўладальнікаў дыпломаў І ступені адбудзецца падчас удзелу ў працы моладзевай секцыі Міжнароднай навукова-практычнай канферэнцыі “Прастора творчасці”, прымеркаванай да 135-годдзя Максіма Багдановіча, якая пройдзе 27 лістапада 2026 г. у Літаратурным музеі Максіма Багдановіча.