З 07.04.2026 па 16.04.2026 на базе нашай установы адукацыі праходзілі раённыя спаборніцтвы па валейболе сярод каманд дзяўчынак устаноў агульнай сярэдняй адукацыі Барысаўскага раёна. Каманда дзяўчат гімназіі прадэманстравала высокі ўзровень падрыхтоўкі і заваявала другое месца. Нашы гімназісткі паказалі зладжанасць дзеянняў і высокую тэхніку, а таксама прадэманстравалі характар, тактычную граматнасць і ўменне працаваць у камандзе. Дзяўчаты не толькі абаранялі гонар гімназіі, але і сваім прыкладам матывавалі равеснікаў займацца спортам і ўдзельнічаць у спаборніцтвах. Віншуем каманду, а таксама настаўніка фізічнай культуры і здароўя Ждановіча В.В. з перамогай! Жадаем нястомнай энергіі, не спыняцца на дасягнутым, захоўваць баявы настрой і верыць у свае сілы!