14 снежня адбыўся абласны тур III Рэспубліканскага прававога турніру "Сіла Закона". Яго арганізатарамі сталі НЦПІ сумесна з Міністэрствам адукацыі і БРСМ пры падтрымцы БДУ, Беларускага рэспубліканскага саюза юрыстаў, Беларускай рэспубліканскай калегіі адвакатаў і Інстытута павышэння кваліфікацыі і перападрыхтоўкі Следчага камітэта. Правядзенне прававога турніру, які ўжо стаў традыцыйнай падзеяй снежня, накіравана на прававую асвету старшакласнікаў; павышэнне цікавасці навучэнцаў да нацыянальнага заканадаўства, якое рэгулюе прынцыпы народаўладдзя ў Рэспубліцы Беларусь; прапаганду прававой культуры; паглыбленне тэарэтычных ведаў і практычных уменняў, развіццё навыкаў выкарыстання сучасных тэхналогій.
У абласным туры, які прайшоў на юрыдычным факультэце БДУ, прынялі ўдзел 96 вучняў 9-11 класаў з устаноў адукацыі Мінскай вобласці і г. Мінска. Конкурс праходзіў у фармаце анлайн-тэсціравання на Дзіцячым прававым сайце. Вучням неабходна было адказаць на 30 пытанняў па тэме «Народаўладдзе ў Рэспубліцы Беларусь. Традыцыі, сучаснасць, будучыня». Прадстаўніком Мінскай вобласці, які заняў 3 месца, стаў вучань нашай гімназіі Лазерка Аляксандр. Віншуем з перамогай Аляксандра і яго настаўніка - Забароўскага Анатоля Станіслававіча.