30 снежня 2024 года ў гімназіі адбыўся педагагічны савет “Міжпрадметная інтэграцыя як сродак фарміравання функцыянальнай адукаванасці вучняў”. У рамках педсавета былі разгледжаны пытанні фарміравання функцыянальнай адукаванасці вучняў сродкамі інтэграцыі вучэбных прадметаў. Педагогі - Афонская В.У., Зубрэй А.В., Ганец Н.І., Касценіч С.В., Кудрэвіч І.Г. падзяліліся вопытам укаранення інтэграцыі вучэбных прадметаў на занятках. Была праведзена і дынамічная фізкультхвілінка, педагогі прынялі ўдзел у віктарыне - усе гэтыя прыёмы адлюстроўвалі магчымасці фарміравання функцыянальнай граматнасці.
На педсавеце дырэктарам гімназіі Анатоліем Станіслававічам Забароўскім былі падведзены вынікі, а таксама ўручаны граматы і падзякі настаўнікам і работнікам гімназіі.