Першы дзень (08.04.2024)
Дзень школьнага бібліятэкара.
Дзень кіраўніка школьнага музея.
Тыдзень з 8 па 13 красавіка 2024 года будзе прысвечаны ХІІІ педагагічнаму марафону Мінскай вобласці. Згодна плана-графіка кожны дзень замацаваны за канкрэтнымі спецыялістамі. Так панядзелак, 8 красавіка, аб’яўлены днём школьнага бібліятэкара і кіраўніка школьнага музея.
Загадчык бібліятэкі Вольга Уладзіміраўна Антаневіч запрасіла вучняў 10-11 класаў на гутарку “Настаўнік – не прафесія, настаўнік - прызванне”. Яна распавяла пра гісторыю ўзнікнення прафессіі настаўніка, гісторыю навучання і выхавання дзяцей у розныя гістарычныя перыяды, пра сучасны стан прафессіі, а таксама пра прафесію настаўніка на старонках літаратурных твораў.
Кіраўнік па ваенна-патрыятычным выхаванні, а таксама кіраўнік музея Афганскай вайны Сяргей Іванавіч Дакука запрасіў 11-класнікаў у свой музей, дзе расказаў не толькі пра падзеі той вайны і гісторыю ўзнікнення музея, але і пра спецыфіку прафесіі музейнага работніка.