У беларускамоўнай гімназіі № 2 г.Барысава адбылося пасяджэнне раённага метадычнага аб'яднання кіраўнікоў па ваенна-патрыятычным выхаванні «Нарматыўныя прававыя аспекты арганізацыі дзейнасці кіраўніка па ваенна-патрыятычным выхаванні ва ўстанове агульнай сярэдняй адукацыі: асноўныя функцыі, змест і напрамкі працы. Вынікі працы раённага метадычнага аб'яднання кіраўнікоў па ваенна-патрыятычным выхаванні і задачы на 2024/2025 навучальны год».
Фадзееў Д.Г., падпалкоўнік, намеснік начальніка аддзела па ідэалагічнай рабоце ПЗАК паведаміў аб ваенна-палітычнай абстаноўцы ў свеце, СНД і Рэспубліцы Беларусь. Лужкоўская Г.А., метадыст ДУ «Вучэбна-метадычны цэнтр Барысаўскага раёна» расказала пра метадычнае суправаджэнне дзейнасці кіраўніка па ваенна-патрыятычным выхаванні. Ракіцкая К.І., дырэктар ДУДА «Барысаўскі цэнтр экалогіі і турызму» паведаміла пра парадак падрыхтоўкі і правядзення рэспубліканскага конкурсу «Кіраўнік па ваенна-патрыятычным выхаванні».
Кіраўнік па ваенна-патрыятычным выхаванні ДУА “Беларускамоўная гімназія №2 г.Барысава” Дакука С.І. падзяліўся сваім вопытам па тэме “Роля аб'яднанняў па інтарэсах турыстычнай накіраванасці ў падрыхтоўцы вучняў да ваеннай службы”.
Прысутным былі прапанаваны экскурсіі ў Музей Афганскай вайны і Цэнтр беларускай культуры. Менавіта тут у гімназіі праходзяць гадзіны памяці, урокі мужнасці. Такія заняткі дапамагаюць зразумець гісторыю, яе сэнс. Добрую дапамогу аказваюць музеі ў выхаванні грамадзянска-патрыятычных якасцей вучняў на нацыянальнай аснове.