Вучні нашай гімназіі наведалі адзел Барысаўскага дэпартамента аховы. Падчас сустрэчы яны даведаліся пра асноўныя напрамкі яго дзейнасці і ролю супрацоўнікаў у забеспячэнні бяспекі людзей і абароне маёмасці.
Прадстаўнікі дэпартамента расказалі вучням пра сваю службу, сучасныя сродкі аховы і асаблівасці працы. Вучні змаглі задаць пытанні і атрымаць адказы пра прафесію супрацоўніка аховы, неабходныя для яе якасці і падрыхтоўку.
Сустрэча прайшла пазнавальна і дапамагла гімназістам лепш зразумець, наколькі важныя адказнасць, дысцыпліна і ўважлівасць у працы, звязанай з бяспекай. Дзякуем супрацоўнікам Барысаўскага дэпартамента аховы за цікавае знаёмства і гасціннасць!