Вучні 7 класа гимназіі прынялі ўдзел у міжведамасным праекце «Формула здароўя». Арганізатары праекта — ДУА «Барысаўскі сацыяльна-педагагічны цэнтр Барысаўскага раёна». У рэалізацыі праекта ўдзельнічаюць супрацоўнікі бібліятэкі, святары Барысаўскай епархіі, урачы — акушэры-гінеколагі, а таксама псіхолаг установы аховы здароўя «Барысаўскі радзільны дом» Кацярына Дзмітрыеўна Русанава. Разам яны ствараюць прастору, у якой падлеткі вучацца берагчы сваё здароўе як сапраўдны скарб.
Спецыялісты дапамагаюць юнакам і дзяўчатам зразумець, як ствараць умовы для захавання і ўмацавання рэпрадуктыўнага здароўя, фарміруюць навыкі здаровага ладу жыцця і выхоўваюць паважлівае стаўленне да ўласнага цела і душы. Бо здароўе — гэта не толькі фізічны дабрабыт, але і гармонія з прыродай і ўнутраным светам.