22 верасня ў гімназіі праводзяцца мерапрыемствы да Дня без аўтамабіля
ДЗЕНЬ БЕЗ АЎТАМАБІЛЯ 2019
Традыцыя праводзіць Дзень без аўтамабіля ўпершыню нарадзілася ў Францыі 22 верасня 1997 года, а затым гэтую ініцыятыву падтрымалі іншыя краіны Еўропы. У 2008 годзе ўпершыню акцыя «Дзень без аўтамабіля» прайшла ў Беларусі ў Мінску і абласных цэнтрах.
22 верасня многія выбіраюць іншы від перамяшчэння: пешшу або на роварах, а можа, і ролікавых каньках. Акрамя таго, 22 верасня праводзяцца акцыі, якія нагадваюць жыхарам планеты пра тое, якія праблемы прыносіць аўтамабіль. Выхлапныя газы не адзіная непрыемнасць. Варта ўзгадаць аўтакатастрофы ... У аўтамабільных аварыях кожны дзень гіне тры тысячы чалавек.
Вядома, у сучасным свеце без аўтамабіля не абысціся. Але ўсё ж 22 верасня многія людзі не садзяцца за руль.
Адзін аўтамабіль за год спальвае каля двух тон паліва. Пры спальванні паліва ў атмасферу трапляюць шкодныя рэчывы: 700 кг чаднага газу, 400 кг дыаксіду азоту і каля 300 кг вуглевадародаў. І гэта усё толькі ад адной машыны. А іх на нашых дарогах нямала.
Як мы самі можам знізіць шкодныя выкіды ад аўтамабіля?
Да прыкладу, элементарнае рэгуляванне рухавіка машыны можа скараціць іх на 10%. Кіроўцам таксама рэкамендуецца:
- глушыць матор пры спыненні;
- прадумаць, як можна пазбегнуць працяглага прагрэву рухавіка ў халодную пару года;
- паважаць правы пешаходаў, тармазіць перад «зебрай» і знакамі пешаходнага пераходу, не ігнараваць і не прыціскаць да бардзюра веласіпедыстаў;
- ладзіць «разгрузныя дні» без аўтамабіля, загадзя спланаваўшы, як дабірацца да працы іншым спосабам.
Усё гэта дасць магчымасць зменшыць шкоднае ўздзеянне аўтатранспарту на навакольнае асяроддзе і зрабіць наш горад яшчэ чысцейшым і прыгажэйшым.
Запрашаем усіх жадаючых прыняць актыўны ўдзел у гэтым мерапрыемствах!
