20 кастрычніка 2023 года дзверы беларускамоўнай гімназіі № 2 г.Барысава гасцінна адчыніліся для ўдзельнікаў другога (раённага) этапу рэспубліканскай алімпіяды па фінансавай граматнасці. Больш за 90 вучняў 8-11 класаў устаноў адукацыі Барысаўскага раёна паспрабавалі свае сілы ў магчымасцях арыентавацца ў тэндэнцыях эканомікі і правільна планаваць свой бюджэт. Гімназія сустракала вучняў кніжнай выставай "Грошык і таямнічы кошык", да ўвагі хлопчыкаў і дзяўчынак былі прадстаўлены творчыя выставы скарбонак, зробленых вучнямі гімназіі і іх бацькамі, малюнкаў, якія сталі пераможцамі ХV конкурсу "Якога колеру вясёлка" па тэме "Свет фінансаў у казках".
Традыцыйна ўдзельнікі алімпіяды адказвалі на 30 тэставых пытанняў па дзесяці тэмах фінансавай сферы і адно творчае пытанне, якое патрабуе прадэманстраваць эканамічны лад мыслення. Па выніках работы журы, у склад якога ўваходзілі настаўнікі-прадметнікі і прадстаўнікі ўстаноў і арганізацый банкаўскай сістэмы, вызначыла абсалютных пераможцаў другога этапа алімпіяды (1-3 месца), а таксама размеркавала дыпломы. Сярод вучняў, якія атрымалі дыпломы 1 ступені, - вучань 10 "А" класа гімназіі - Лазерка Аляксандр (настаўнік - Забароўскі Анатолій Станіслававіч).
Віншуем з перамогай!