24 снежня ў гімназіі адбыўся вялікі ЗЛЖ-кірмаш “У новы год – са здароўем!”. Мэта мерапрыемства – прапаганда здаровага ладу жыцця, папулярызацыя настольных гульняў, арганізацыя змястоўнага вольнага часу гімназістаў.
Вучні разам з класнымі кіраўнікамі прэзентавалі настольныя гульні па ЗЛЖ, якія распрацавалі самастойна. "Лато пра здароўе", "Паляна здароўя", "Уно-здароўе", "Эрудыт - знаўца здароўя", " Адгадай, хто я?", "Кубікі здароўя", "Вітамінкі", "Пазлы на здароўе", “Кола дабрабыту”, “Свая гульня”, "Шкодныя звычкі" і інш. Гульні атрымаліся арыгінальныя, цікавыя, разнапланавыя. Кожны – як вучань, так и педагог змаглі праверыць свае веды аб правільным харчаванні, фізічнай актыўнасці, шкодных звычках і стрэсаўстойлівасці.
Настольныя гульні, якія доўгі час лічыліся крыніцай забаў, ператварыліся ў магутны інструмент ўмацавання псіхічнага здароўя. Яны сталі не проста займальным спосабам прабавіць час, але і стымулююць кагнітыўныя функцыі, уключаючы памяць, гнуткасць розуму, эмацыйную рэгуляцыю.
Дзякуй усім удзельнікам за актыўнасць і энергію! Вашы веды і творчасць - лепшы ўклад у здаровую будучыню.