Сёння гімназістам, якім споўнілася 14 гадоў, падарылі кнігу "Я грамадзянін Рэспублікі Беларусь".
У нашай краіне стала добрай традыцыяй грамадзянам, якія дасягнулі 14-гадовага ўзросту, дарыць кнігу "Я - грамадзянін Рэспублікі Беларусь". Гэтае маляўнічае выданне як нельга лепш спадабалася нашым вучням.
«Я - грамадзянін Рэспублікі Беларусь» - выдатна аформлены альбом пра нашу Радзіму, яе гісторыю, дзяржаўны лад, непаўторную прыроду, нацыянальныя традыцыі і перспектывы развіцця.
Кніга з 7 раздзелаў выкладае артыкулы Канстытуцыі Рэспублікі Беларусь простай і зразумелай мовай і прыводзіць прыклады яе прымянення. Гэта падарункавае выданне выпускаецца ў рамках рэалізацыі Прэзідэнцкай праграмы "Дзеці Беларусі".
Юныя грамадзяне, якія атрымалі падарунак, прызналі, што кніга
"Я - грамадзянін Рэспублікі Беларусь" не толькі эстэтычна аформлены падарунак, але і выдатны ўніверсальны падручнік у дапамогу школьнай праграме па гісторыі, грамадазнаўству і літаратуры на астатнія гады вучобы.