Традыцыйна ў час вясновых канікул ДУА “Беларускамоўная гімназія № 2 Барысава “ гасцінна прымае юных мастакоў навучальных устаноў Барысаўскага раёна для творчага спаборніцтва. 26 сакавіка 2025 года быў праведзены XVII раённы мастацкі конкурс "Якога колеру вясёлка". У спаборніцтвах прынялі ўдзел 66 вучняў з 25 устаноў агульнай сярэдняй і дадатковай адукацыі Барысаўскага раёна. Дзеці павінны былі раскрыць у малюнках адну з трох тэм: "Салют Перамогі", "Дзяцінства - чароўная краіна" і "Свет ратавальнікаў".
Удзельнікі з захапленнем і цікавасцю працавалі над раскрыццём усіх тэм, прымянялі розныя метады і прыёмы выканання малюнкаў з выкарыстаннем пастэлі, акварэлі, гуаш і іншых сродкаў выразнасці. Члены журы прызналі пераможцамі ў розных намінацыях 27 вучняў. Сярод членаў журы, якія ацэньвалі мастацкае майстэрства маладых мастакоў, быў Віталій Яўгеньевіч Бабіч, кіраўнік філіяла “Інстытут перападрыхтоўкі і павышэння кваліфікацыі” ўніверсітэта грамадзянскай абароны Міністэрства надзвычайных сітуацый Рэспублікі Беларусь. Віталій Яўгеньевіч уручыў арганізатарам конкурсу сертыфікат на экскурсію ў філіял універсітэта для ўзнагароды пераможцаў.
Экскурсія адбылася 4 красавіка 2025 года, у час якой юныя мастакі пазнаёміліся з магчымасцямі сучаснай пажарнай тэхнікі. Яркія ўражанні пакінулі лакацыі, якія былі размешчанымі на вучэбным палігоне. Вучні ўдзельнічалі ў тушэнні полымя з вогнетушыцеля і бранзбойта, пазнаёміліся з правіламі поводзін у надзвычайнай сітуацыі пры крушэнні самалёта. Гэта паездка дала кожнаму вучню незабыўныя эмоцыі.
Вучні падзякавалі за цікавае і павучальнае мерапрыемства. У якасці падарунка яны ўручылі выратавальнікам свае творчыя работы.