Праца на вынік, адданасць справе і пастаяннае развіццё прынеслі заслужаную ўзнагароду. Наша беларускамоўная гімназія стала пераможцам раённага этапу конкурсу «За дасягненне высокіх паказчыкаў у развіцці адукацыі» па выніках 2025 года. Калектыў нашай установы атрымаў Дыплом I ступені ў намінацыі «Лепшая ўстанова агульнай сярэдняй адукацыі, размешчаная ў гарадской мясцовасці».
Гэтая перамога - вынік сумеснай працы настаўнікаў, вучняў і бацькоў, якія штодзень ствараюць сучасную і якасную адукацыйную прастору.
Гэтая ўзнагарода падкрэслівае, што наша гімназія з'яўляецца не толькі цэнтрам ведаў, але і прыкладам эфектыўнага менеджменту ў сферы адукацыі.
Быць лепшымі сярод гарадскіх устаноў - гэта і вялікі гонар, і вялікая адказнасць.
Віншуем кожнага, хто дачыніўся да гэтага поспеху! Мы не спыняемся на дасягнутым і ўпэўнена крочым да новых вяршынь!