Настаўнікі і вучні чацвёртых класаў у рамках рэалізацыі праекта “Урок у музеі” наведалі Дзяржаўную ўстанову “Барысаўскі аб’яднаны музей”.
Настаўнік Старычонак Алеся Раманаўна для вучняў 4 “Б” класа правяла ўрок па тэме “Беларусь у гады Вялікай Айчыннай Вайны”,
на якім вучні даведаліся аб славутых земляках, якія абаранялі нашу Радзіму ад нямецка-фашысцкіх захопнікаў.
Пасля наведвання музея клас пабываў каля помніка экіпажу Паўла Рака.
Вучні 4 “А” класа і настаўнік Самцэвіч Аксана Аляксееўна адправіліся ў цікавае падарожжа ў далёкае мінулае на ўроку па тэме “Нашы продкі”.
На пытанне “Адкуль да нас прыйшла кніга?” у залах музея шукалі адказ вучні 4 “В” класа разам з класным кіраўніком Гуцянскай Галінай Міхайлаўнай.
Шмат тайн зберагаюць залы музея і гэта не апошняе падарожжа вучняў гімназіі.
Наведванне Барысаўскага аб’яднанага музея стала добрай традыцыяй для гімназістаў!