Устойлівыя станоўчыя адносіны да здаровага ладу жыцця – адзін з гарантаў рэалізацыі мар і дасягнення жыццёвых мэт. А фізкультура и спорт – гэта безадмоўныя лекі ў любым узросце ад мноства захворванняў. 13 верасня ў гімназіі адбылося свята "БЕЛАРУСЬ СПАРТЫЎНАЯ".
Усе этапы гэтага захапляльнага свята праходзілі ў напружанай барацьбе пад дэвізам "Здаровым быць - са спортам дружыць».
На спартыўных пляцоўках панавалі смех, шум і весялосць.
Усе ўдзельнікі каманд з энтузіязмам прынялі ўдзел у розных эстафетах і конкурсах, дэманструючы сваю сілу, хуткасць і спрыт.
На працягу ўсяго мерапрыемства панавала атмасфера рызыкі і здаровага саперніцтва. Кожны ўдзельнік стараўся з усіх сіл, выяўляючы зацятасць і волю да перамогі.
Заўзятары актыўна падтрымлівалі свае каманды, зараджаючы ўсіх энергіяй і пазітывам. Спаборніцтвы выдаліся настолькі напружанымі, што ў выніку каманды набралі роўную колькасць ачкоў. І ў гэты момант стала зразумела, што галоўнае не перамога любой цаной, а сяброўства і камандны дух!
Таму заслужаную перамогу ў спартыўных спаборніцтвах "Самы хуткі, самы спрытны" атрымала ДРУЖБА!
Мы віншуем усіх рабят з удзелам і жадаем ім далейшых спартыўных поспехаў! Няхай сяброўства і ўзаемавыручка заўсёды спадарожнічаюць ім не толькі на спартыўнай пляцоўцы, але і ў жыцці!
Наша формула здароўя – гэта фізкультура і спорт. Менавіта яны закаляюць дух і цела, падымаюць настрой і дапамагаюць зняць стрэс. Таму мы выбіраем здаровы лад жыцця!