18 студзеня ў гімназіі адбыўся справаздачна-выбарны сход, на якім былі падведзены вынікі працы прафсаюзнага камітэта з сакавіка 2019 года па студзень 2024 года. У мерапрыемстве прыняў удзел старшыня Барысаўскай раённай арганізацыі Беларускага прафесійнага саюза работнікаў адукацыі і навукі – Зелянкевіч Мікалай Данілавіч.
У парадку дня разгледжаны шэраг важных пытанняў, такіх як справаздача старшыні прафкама аб дзейнасці прафсаюзнага камітэта за справаздачны перыяд, справаздача старшыні рэвізійнай камісіі, справаздача грамадскага інспектара працы і іншыя.
Падчас спрэчак было адзначана, што ўзаемадзеянне і ўзаемаразуменне паміж кіраўніцтвам і прафсаюзным камітэтам з’яўляецца адным з важных фактараў поспеху ўстановы, яе развіцця, дае магчымасць калектыву рухацца наперад да дасягнення новых задач.
Члены прафсаюза далі станоўчую ацэнку праведзенай рабоце пярвічнай прафсаюзнай арганізацыі і выказалі падзяку ўсім членам прафкама за эфектыўную плённую дзейнасць.
Вынікам справаздачна-выбарнага сходу стала аднагалоснае абранне старшыні пярвічнай прафсаюзнай арганізацыі Старычонак Алесі Раманаўны і намесніка старшыні Дубень Людмілы Юр’еўны. Быў абраны новы склад прафсаюзнага камітэта і рэвізійнай камісіі, а таксама грамадскага інспектара працы.
На сходзе былі ўручаны падзякі Барысаўскага раённага камітэта Беларускага прафсаюза работнікаў адукацыі і навукі за актыўны ўдзел у прафсаюзным руху Забароўскаму Анатолію Станіслававічу, Дубень Людміле Юр’еўне, Дакуку Сяргею Іванавічу, Козак Марыі Аляксееўне. Мікалай Данілавіч Зелянкевіч павіншаваў усіх работнікаў гімназіі і пажадаў поспехаў новаму прафсаюзнаму камітэту ў рэалізацыі намечаных планаў.