1 снежня 2023 года стартаваў трэці сезон рэспубліканскага прававога турніру "Сіла закона" для старшакласнікаў. Арганізатарамі мерапрыемства выступілі Беларускі рэспубліканскі саюз моладзі, Нацыянальны цэнтр прававой інфармацыі, Міністэрства адукацыі пры падтрымцы Беларускага дзяржаўнага ўніверсітэта. Праект накіраваны на прававую асвету юнакоў і дзяўчат, фарміраванне прававой культуры непаўналетніх, іх адукаванасць, актыўнасць і мабільнасць. Тэма турніру ў гэтым годзе – «Народаўладдзе ў Рэспубліцы Беларусь. Традыцыі, сучаснасць, будучыня». 4 снежня адбыўся раённы этап турніру. Вучні праявілі свае веды асноў заканадаўства і тэорыі дзяржавы і права. Пераможцамі ў кожнай з узроставых катэгорый сталі вучні ўстаноў адукацыі Барысаўскага раёна, якія набралі большую колькасць балаў за правільныя варыянты адказаў. Сярод пераможцаў - вучань 10 класа Аляксандр Лазерка (настаўнік - Забароўскі Анатолій Станіслававіч).
Віншуем і жадаем поспехаў!