22 снежня ў БДУ адбыўся прафарыентацыйны форум "Маршрут поспеху" для абітурыентаў педагагічных спецыяльнасцей. Вучні педкласаў нашай гімназіі мелі магчымасць прыняць удзел у гэтым мерапрыемстве, якое было накіравана на ўмацаванне прэстыжу прафесіі педагога, інфармаванне абітурыентаў аб спецыфіцы навучання ў БДУ, магчымасцях паступлення без экзаменаў і ўмовах прафесійнага росту выпускнікоў.
Насычаная праграма форуму ўключала разнапланавыя мерапрыемствы па знаёмстве з унікальным навукова-адукацыйным асяроддзем БДУ. Стартавала мерапрыемства секцыяй "Будзь першым з БДУ". Старшыня Савета маладых вучоных ВНУ Аляксей Рагінскі прэзентаваў слухачам дзейнасць студэнцкіх арганізацый, а таксама выступіў з дакладам "Педагог у навуцы: час выбраў нас". Слухачы даведаліся аб формах дзяржаўнай падтрымкі маладых вучоных, якія дзейнічаюць ва ўніверсітэце ў даследчых праектах, конкурсах і ініцыятывах, магчымасцях навуковай самарэалізацыі студэнтаў. Вынікам секцыі стаў квіз "Я - абітурыент", які праверыў будучых педагогаў на логіку, разуменне псіхалогіі і паводзін чалавека.
Яшчэ адно мерапрыемства праграмы — прэзентацыя рабочага сшытка «Твой шлях да поспеху». Гэта распрацаваны студэнтамі эканамічнага факультэта БДУ электронны "дзённік", які накіраваны на дапамогу абітурыентам у выбары прафесіі.Працягнуўся форум дыялогавай пляцоўкай, у рамках якой дэкан эканамічнага факультэта Ганна Каралёва расказала ўдзельнікам аб адметных асаблівасцях вучобы ў БДУ па педагагічных спецыяльнасцях.Таксама адбыліся зносіны з дэканамі і студэнтамі
факультэтаў БДУ, на якіх ажыццяўляецца падрыхтоўка педагогаў. Падчас гэтага мерапрыемства вучні нашай гімназіі атрымалі шмат карыснай і цікавай інфармацыі, якая ім абавязкова спатрэбіцца пры выбары свойго прафесійнага шляху.