Штогод, пачынаючы з 2014 года, у Рэспубліцы Беларусь праходзіць Рэспубліканская алімпіяда па фінансавай граматнасці.
Алімпіяда - адно з найбольш значных мерапрыемстваў у галіне фінансавай граматнасці, якая арыентавана на вучняў устаноў адукацыі і моладзь. Галоўныя мэты правядзення мерапрыемства - папулярызацыя ведаў у галіне фінансаў, фарміраванне ў вучняў практычных навыкаў выкарыстання фінансавых інструментаў, развіццё фінансавай культуры моладзі.
У першым этапе алімпіяды прынялі ўдзел вучні 9-11 класаў гімназіі. Алімпіядныя заданні былі накіраваны на праверку ведаў па тэмах: асабістыя фінансы, наяўныя грошы, зберажэнні, запазычанні, лічбавы банкінг, супрацьдзеянне кіберзлачыннасці, страхаванне, падаткі, інвестыцыі і інш.
Вучні, якія паказалі найлепшы рэзультат - Лазерка Аляксандр, Прус Канстанцін, Няверка Марыя - будуць прадстаўляць гімназію на другім этапе алімпіяды па фінансавай грамантасці, які пройдзе ў кастрычніку.