З 1 па 30 красавіка 2024 года праходзіў раённы конкурс сачыненняў "Вялікі подзвіг у гісторыі маёй сям'і", мэтай правядзення якога стала грамадзянска-патрыятычнае і духоўна-маральнае выхаванне вучняў. Задачы конкурсу: вывучэнне ваенна-гістарычнай спадчыны нашай краіны; далучэнне вучняў да літаратурнай творчасці і выяўленне адораных дзяцей у галіне літаратурнай творчасці; стварэнне ўмоў для эфектыўнага развіцця і самарэалізацыі вучняў у галіне літаратуры. У конкурсе прынялі ўдзел вучні ўстаноў агульнай сярэдняй адукацыі, дадатковай адукацыі дзяцейі моладзі Барысаўскага раёна ва ўзросце ад 8 да 18 гадоў.
Віншуем пераможцаў конкурсу сачыненняў "Вялікі подзвіг у гісторыі маёй сям'і" - вучня 4 класа Шчэрбу Максіма - 2 месца (настаўнік - Ілона Раманаўна Дзеравяга) і вучаніцу 5 класа Валасевіч Арыну - 3 месца (настаўнік - Алена Віктараўна Бур'якова)!