Сёння, 05.04.2024, ў Мінску падвялі вынікі XXVI Рэспубліканскага агляду-конкурсу дзіцячай творчасці «Выратавальнікі вачыма дзяцей».
Да гэтага ў раённых і абласных цэнтрах прайшлі адборачныя этапы, работы-пераможцы якіх (больш за 400) адправіліся ў сталіцу прадстаўляць свае рэгіёны ў такіх намінацыях, як «Казка», «Апавяданне», «Верш», «Малюнак», «Скульптура малых форм», «Мадэль пажарнай аварыйна-выратавальнай тэхнікі» і «Плакат». У выніку работы журы 50 работ вучняў сталі пераможцамі. Сярод іх – вучань 10 класа нашай гімназіі Аляксандр Лазерка (кіраўнік – Афонская Вольга Уладзіміраўна). Ужо ў трэці раз Аляксандр з’яўляецца пераможцам рэспубліканскага конкурсу і сёння ён атрымаў Дыплом І ступені ў намінацыі “Апавяданне".
Віншуем Аляксандра з перамогай!