25 сакавіка 2025 года ў гімназіі адбылося міждысцыплінарнае пасяджэнне раённага вучэбна-метадычнага аб'яднання настаўнікаў матэматыкі, фізікі, астраноміі і інфарматыкі ў форме канферэнцыі па тэме "Метады і прыёмы навучання вучняў рашэнню задач, накіраваных на фарміраванне функцыянальнай адукаванасці." Асноўнай мэтай гэтага мерапрыемства стала ўдасканаленне прафесійнай кампетэнтнасці педагогаў па пытаннях выкарыстання ў адукацыйным працэсе метадаў і прыёмаў навучання вучняў рашэнню задач, накіраваных на фарміраванне функцыянальнай адукаванасці. У ходзе мерапрыемства педагогі мелі магчымасць сістэматызаваць тэарэтычныя веды па тэме пасяджэння (выступленне Мурашкі Ю.Я., Красюка Ю.У. “Метады і прыёмы арганізацыі праектнай дзейнасці як сродак фарміравання функцыянальнай адукаванасці”, Елізар’ева М.Ю.“Рэалізацыя міжпрадметных сувязей пры вывучэнні інфарматыкі ў кантэксце фарміравання функцыянальнай адукаванасці вучняў”, а таксама выбраць аптымальныя прыёмы і метады навучання, якія будуць садзейнічаць фарміраванню функцынальнай адукаванасці вучняў. Іх прапанавалі настаўнікі Дубень Г.В. “Фарміраванне функцыянальнай адукаванасці пры рашэнні задач у 6-х і 7-х класах”, Кандраценка І.В. “Прыёмы рашэння задач па фізіцы”, Кляшторная Г.І. “Практыка-арыентаваныя задачы на ўроках матэматыкі як сродак фарміравання функцыянальнай адукаванасці”, Сакалоўская Г.М. “Фарміраванне функцыянальнай адукаванасці пры падрыхтоўцы да ЦЭ і ЦТ”. У ходзе мерапрыемства настаўнікі атрымал не толькі карысную інфармацыю, але і станоўчыя эмоцыі.