Навука пачынаецца з цікаўнасці, а вялікі поспех — з першага ўпэўненага кроку. 26 сакавіка прайшоў першы раённы этап рэспубліканскага конкурсу работ даследчага характару (канферэнцыя), які сабраў 66 вучняў Барысаўскага раёна сярод вучняў V-XI класаў. Для нашай гімназіі гэты конкурс стаў сапраўдным трыумфам якасці і прафесіяналізму.
Сярод дзясяткаў удзельнікаў з усяго раёна нашу гімназію прадстаўлялі 5 вучняў.І усе 5 удзельнікаў сталі пераможцамі!
Мы яшчэ раз даказалі: важна не колькасць, а якасць падрыхтоўкі.
Мы ганарымся нашымі пераможцамі і іх навуковымі кіраўнікамі. Гэты поспех - агульная перамога працавітасці вучняў і мудрасці настаўнікаў, якія змаглі разглядзець і развіць даследчы патэнцыял кожнага дзіцяці.
Жадаем нашым маладым навукоўцам не спыняцца на дасягнутым! Няхай гэты раённы этап стане толькі пачаткам вялікага шляху ў цікавы свет навукі. Наперадзе — новыя гарызонты і новыя адкрыцці!
Усцін Дзіяна, 10 клас, секцыя «Англійская мова, філалогія,
краіназнаўства» (кіраўнік - Шмуляўцова Марына Уладзіміраўна) Дыплом І ступені;
Грыцкевіч Соф’я, 9 “А” клас, секцыя "Лінгвістыка (беларуская мова)"
(кіраўнік – Ганец Наталля Іванаўна) Дыплом І ступені;
Суханава Яўгенія, 7 “Б” клас – секцыя “Прыродазнаўчыя дысцыпліны” (кіраўнік – Елізар’ева Ксенія Алегаўна) Дыплом ІІ ступені;
Шчэрба Антон, 10 клас, секцыя “Чалавек і сучаснае грамадства” (кіраўнік – Анісімаў Глеб Андрэевіч) Дыплом ІІ ступені;
Моніч Ганна, 9 “А” клас, секцыя “Гісторыя-культурная спадчына і сучаснасць” (кіраўнік – Бярозка Юлія Сяргееўна) Дыплом ІІІ ступені.