14 сакавіка сярэдняя школа №25 г. Барысава стала цэнтрам сапраўднага свята ведаў і таленту. Тут прайшла ўрачыстая цырымонія ўзнагароджання пераможцаў трэцяга этапу рэспубліканскай алімпіяды па вучэбных прадметах і абласнога этапу рэспубліканскага конкурсу работ даследчага характару.
У адной залі сабраліся самыя мэтаскіраваныя вучні раёна - тыя, хто сваёй працай і розумам даказаў права называцца лепшымі. У мерапрыемстве прынялі ўдзел прадстаўнікі ўпраўлення па адукацыі Барысаўскага райвыканкама, педагогі, бацькі і вучні.
Асаблівы гонар выклікаюць поспехі вучняў нашай гімназіі: Гаўрыловіч Лізаветы, Кудзі Яўгеніі, Корневай Любові, Мудрацова Арцёма, Няверкі Марыі, Лашчтокі Аляксея! Гімназісты чарговы раз пацвердзілі высокі ўзровень падрыхтоўкі, стаўшы пераможцамі інтэлектуальных спаборніцтваў. Падчас цырымоніі хлопцы і дзяўчаты былі адзначаны ганаровымі граматамі за свае выдатныя дасягненні.
Важным момантам стала ўручэнне падзяк бацькам пераможцаў. Гэта прызнанне іх падтрымкі, цярпення і веры ў сваіх дзяцей.
Гэты дзень яшчэ раз даказаў: калі побач з таленавітым вучнем стаяць мудрыя настаўнікі і клапатлівыя бацькі, любыя вяршыні становяцца дасягальнымі. Толькі ў такім моцным саюзе нараджаюцца сапраўдныя перамогі, якімі сёння ганарыцца наша беларускамоўная гімназія!
Віншуем нашых інтэлектуалаў і жадаем ім поспехаў! Няхай гэтыя перамогі стануць толькі пачаткам вялікага шляхy ў свет навукі.