У нашай гімназіі пытанню бяспекі надаецца першачарговая ўвага не толькі ў працы з вучнямі, але і ў паўсядзённым жыцці працоўнага калектыву. 11 лютага 2026 года адбылася важная сустрэча работнікаў гімназіі з прадстаўніком МНС Пятровічам Аляксандрам Уладзіміравічам, прысвечаная прафілактыцы пажараў і захаванню правілаў бяспечнай жыццядзейнасці.
Падчас гутаркі Аляксандр Уладзіміравіч падрабязна спыніўся на статыстыцы пажараў па краіне і рэгіёне, адзначыўшы асноўныя рызыкі ў зімовы перыяд. Было падкрэслена, што большасць надзвычайных сітуацый адбываецца з-за ігнаравання простых правілаў.
Сярод галоўных прычын узнікнення пажараў былі названы:
- неасцярожнае абыходжанне з агнём;
- парушэнне правілаў эксплуатацыі электраабсталявання ;
- пакіданне дзяцей без нагляду;
- неасцярожнасць пры паленні.
Прадстаўнік службы нагадаў калектыву алгарытм дзеянняў пры ўзнікненні пажару, правілы карыстання першаснымі сродкамі пажаратушэння і падкрэсліў важнасць устаноўкі аўтаномных пажарных апавяшчальнікаў у жылых памяшканнях.
Сустрэча прайшла ў фармаце жывога дыялогу: настаўнікі гімназіі змаглі задаць хвалюючыя пытанні і атрымаць прафесійныя парады па арганізацыі бяспечнай прасторы дома і на працоўным месцы.
Памятайце: ваша бяспека — у вашых руках!