12.04.2023 нашы гімназісты мелі магчымасць камуніцыраваць з носьбітамі англійскай мовы падчас правядзення экскурсіі па гімназіі ў рамках праекта "Арт калегіум". Рабяты спрабавалі сябе ў якасці экскурсаводаў. Яны з гонарам расказвалі пра сваю родную гімназію, паказвалі цікавыя месцы. У музеі беларускай культуры грамадзянам Ганы былі паказаны работы з саломкі, прылады для ручной працы, якімі карысталіся нашы продкі. Асабліва ўразіла гасцей батлейка і міні-прадстаўленні на біблейскія матывы. У сваю чаргу нашы госці здзівілі гімназістаў ігрой на старажытным беларускім бубне. Яны сыгралі і праспявалі свае нацыянальныя мелодыі. Задавальненне і карысць ад такіх сустрэч несумненныя, і мы будзем іх паўтараць.