Дзень напярэдадні 8 сакавіка - гэта той асаблівы дзень, калі паўсюль адчуваецца прысутнасць вясновага цяпла і шчырай радасці. Гэты дзень сагрэты прамянямі сонца, жаночымі ўсмешкамі, упрыгожаны россыпам кветак, пяшчотай. 7 сакавіка ў гімназіі з раніцы панавала ўрачыстая атмасфера. Вучні сустракалі ўсіх жанчын шчырымі словамі і апладысментамі.
На адным з перапынкаў вучні ХІ класа падарылі настаўнікам яскравы запамінальны флэшмоб.
Святочным канцэртам з цікавай праграмай павіншавалі жанчын вучні гімназіі, цудоўны букет з мастацкіх нумароў парадаваў усіх. У рамках мерапрыемства прадстаўніц слабага полу павіншаваў дырэктар гімназіі Анатолій Станіслававіч Забароўскі. Святочная атмасфера панавала паўсюль, і ўсе прысутныя ў актавай зале адчулі пачатак вясны.
Поспех свята заключаўся ў вялікім жаданні парадаваць мілых дзяўчынак і жанчын, якія змаглі атрымаць асалоду ад святочных песень, вершаў і розных творчых нумароў. Усе ў гэты дзень імкнуліся падарыць гасцям сваю радасць, падзяку і дабрыню. Жадаем усім - жанчынам, дзяўчынкам - каб кожны дзень іх жыцця быў такім жа, як гэтае выдатнае вясновае свята - поўным удзячнасці і павагі, кахання і пяшчоты!