29 жніўня 2025 года ў гімназіі прайшло пасяджэнне педагагічнага савета "Адукацыйны працэс у 2024/2025 навучальным годзе - арыенціры развіцця ў 2025/2026 навучальным годзе”. Дырэктар гімназіі Анатолій Станіслававіч Забароўскі падвёў вынікі мінулага навучальнага года, агучыў дасягненні і поспехі калектыву. Было адзначана, што дасягнутыя вынікі працы ў цэлым адпавядаюць пастаўленым у пачатку года мэтам і задачам: па выніках штогадовага раённага конкурсу “За дасягненне высокіх паказчыкаў у развіцці адукацыі” на лепшую арганізацыю работы ўстаноў адукацыі Барысаўскага раёна па развіццю рэгіянальнай сістэмы адукацыі па выніках 2024 года калектыў гімназіі заняў 1 месца. Былі вызначаны задачы на наступны перыяд, асноўныя напрамкі адукацыйнага працэсу ў новым навучальным годзе.
Гімназічная сям'я папоўнілася маладымі спецыялістамі, новымі педагогамі, якія былі прадстаўлены дырэктарам педагагічнаму калектыву. Таксама члены працоўнага калектыву былі адзначаны ганаровымі граматамі і падзякамі рознага ўзроўню за добрасумленную працу і высокія дасягненні ў сістэме адукацыі.
Анатолій Станіслававіч павіншаваў усіх работнікаў гімназіі з пачаткам новага навучальнага года і пажадаў усім поспехаў, плённай працы і толькі станоўчых вынікаў!