У 2021 годзе Генеральная пракуратура РБ распачала крымінальную справу па факце генацыду насельніцтва Беларусі ў гады Вялікай Айчыннай вайны і пасляваенны перыяд. У ходзе расследавання адкрыліся сотні, тысячы новых фактаў зверстваў, здзейсненых на беларускай зямлі.
Вучні ІХ-х класаў гімназіі наведалі Барысаўскі аб’яднаны музей, дзе азнаёміліся з экспазіцыяй “Памяць на крыві”, прысвечанай генацыду жыхароў Барысаўскага раёна. Дырэктар музея Лілія Вязовіч расказала пра акупацыю Барысаўскага раёна, падпольныя і партызанскія арганізацыі супраціўлення, подзвігі звычайных барысаўчан. Асобную ўвагу яна звярнула на месцы знішчэння мірных жыхароў – гета і лагераў смерці, дзе загінулі звыш 33 тысяч чалавек.
У 2017 годзе на тэрыторыі вайсковай часткі па праспекце Рэвалюцыі пачаліся раскопкі вязняў “Шталага 382”. За тры месяцы дасталі з зямлі астанкі дзвюх тысяч чалавек. Лілія Пятроўна падрабязна расказала пра арганізацыю раскопак, ідэнтыфікацыю астанкаў, перапахаванне, пошук сваякоў.
Увогуле, вучні былі ўражаны дадзенай экскурсіяй і атрымалі інфармацыю для разважанняў.