… Не, я не супраць розных іншых моў,
Але мне роднай смак заўсёды мілы.
І я – падданы беларускіх слоў,
Тых, да якіх Радзіма прычасціла.
Н. Гальпяровіч
Прыгожая, мілагучная, блізкая да сэрца. Гэтыя словы пра яе, пра нашу беларускую мову. І ў Міжнародны Дзень роднай мовы, які адзначаецца ў свеце 21 лютага, вучні 11 класа на чале з дырэктарам гімназіі Анатоліем Станіслававічам Забароўскім прынялі ўдзел і напісалі рэспубліканскую дыктоўку "Беларусь - краіна-мара". Гэтае мерапрыемства правёў Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі. Падзея стала выдатнай магчымасцю для кожнага не толькі праверыць веды, але і дакрануцца да нацыянальнай культуры.Тэкст дыктоўкі падабраны спецыяльна да Года міру і стваральнай працы, у ім паказана прыгажосць Беларусі. Да Міжнароднага дня роднай мовы ў гімназіі была арганізавана выстава, прысвечаная творам беларускіх пісьменнікаў. На перапынках была праведзены акцыя “Цяпло роднага слова”, на якіх дэманстраваліся беларускамоўныя відэаролікі, мультфільмы, гучалі песні на роднай мове.