18 сакавіка ў нашай гімназіі быў дадзены старт Тыдню фінансавай граматнасці, які афіцыйна адбудзецца ў Беларусі з 20 па 26 сакавіка 2023 года. Мэтай гэтай інфармацыйнай кампаніі з'яўляецца асвета маладых людзей у пытаннях фінансавай граматнасці і дапамога ім у авалоданні навыкамі рацыянальных фінансавых паводзін.
Для вучняў нашай гімназіі Тыдзень пачаўся з унікальнай выставы скарбонак, створаных вучнямі сумесна з бацькамі. На працягу месяца вучні прыносілі вырабы, кожны з якіх адрозніваецца непаўторнасцю і крэатыўнасцю. Разнастайная каляровая гама выстаўленых скарбонак суседнічае з рознымі матэрыяламі, формамі і відамі. Маюцца скарбонкі са скуры і дрэва, пластмасы і жалеза, шкла и гіпса. У канцы Тыдня будзе падведзены вынік конкурса, і вучні атрымаюць дыпломы, будзе і прыз глядацкіх сімпатый.
Вельмі радуе тое, што выставу нашых скарбонак маглі бачыць больш за 100 вучняў з устаноў адукацыі Барысаўскага раёна: сёння гімназія сустракала ўдзельнікаў першай раённай алімпіяды па фінансавай граматнасці для вучняў V-VIII класаў. Дадзеная алімпіяда была арагнізавана на базе раённага рэсурснага цэнтра па фінансавай граматнасці. Можна з упэўненасцю сказаць, што сёння фінансавая граматнасць неабходна ўсім катэгорыям грамадзян. Дзецям яна дае ўяўленне аб каштоўнасці грошай, закладвае падмурак для далейшага развіцця навыкаў планавання бюджэту і зберажэнняў, а дарослым яна неабходна для кіравання асабістымі фінансамі. Спадзяемся, што дадзеная алімпіяда стане яшчэ адным спосабам да імкнення павіысць фінансавую граматнасць і стаць паспяховым у будучым чалавекам. Бо ўсім вядома, што грошы любяць, калі іх лічаць, гэта так, але грошы яшчэ любяць, калі імі распараджаюцца з розумам — з гэтым таксама не паспрачаешся.