Бацькоўскі сход для законных прадстаўнікоў вучняў ІІ-ХІ класаў адбыўся 29 жніўня напярэдадні новага навучальнага года. Дырэктар гімназіі Анатолій Станіслававіч Забароўскі падзякаваў бацькам за аказаную дапамогу, давёў інфармацыю аб поспехах і дасягненнях вучняў і педагогаў гімназіі на працягу 2024/2025 года навучальнага года. На сходзе былі агучаны наступныя пытанні:
- арганізацыя адукацыйнага працэсу ў 2025/2026 навучальным годзе;
- правілы карыстання прыладамі мабільнай сувязі (інтэрнэт-сувязі);
- дзелавы стыль адзення і г.д.
Запрошаныя госці - начальнік аддзялення процідзеяння кіберзлачыннасці Барысаўскага РУУС падпалкоўнік міліцыі Старычонак Дзмітрый Уладзіміравіч, прадстаўнік Барысаўскага ГРАНС Вевер Павел Уладзіміравіч - у сваіх выступленнях зрабілі акцэнт на прафілактыцы злачынстваў і правапарушэнняў, уключаючы прафілактыку кіберзлачынстваў; правілах бяспечных паводзін і дзеяннях ў розных надзвычайных выпадках.
Дырэктар адказаў на ўсе пытанні, якія хвалявалі бацькоў, пажадаў усім працаваць ва ўзаемадзеянні і ўзаемаразуменні: толькі разам з бацькамі, агульнымі намаганнямі, настаўнікі могуць даць дзецям вялікае чалавечае шчасце.