Кожны год вучні, настаўнікі і бацькі прымаюць актыўны ўдзел у акцыях па зборы другаснай сыравіны. Раздзельна мы збіраем макулатуру, батарэйкі і пластык.
У гэтым годзе мы вырашылі далучыцца да раённага праекта "Пластык+".
Пілотны праект «Пластык+», які запусціў Маладзёжны парламент Барысава, накіраваны на вытворчасць антывандальных пляцовак з другаснай сыравіны. Арганізатары прапануюць укараніць у горадзе рацыянальную сістэму паасобнага збору адходаў.
Вопыт замежных краін паказвае, што выкарыстанне адходаў, падзел іх на карысныя кампаненты, прымяняемыя ў якасці другаснай сыравіны на прадпрыемствах, дазваляюць не толькі здабываць фінансавую выгаду са смецця, але і чысціць навакольнае асяроддзе.
Так на базе нашай гімназіі арганізаваўся часовы пукт па зборы пластыка. Актыўны ўдзел прынялі школы старой часткі горада: ДУА "Сярэдняя школа №17", ДУА "Неманіцкая сярэдняя школа", ДУА "Старабарысаўская сярэдняя школа" і ДУА "Беларускамоўная гімназія №2 г. Барысава".